Sa tuwing ako ay nag-iisip kung ano dapat ang kainin kapag ako ay naglilibot sa isang mall o kapag nagkayayaan na kumain sa labas kasama ang aking pamilya, ang unang pumapasok sa aking isip ay ang Honey Bourbon Baby Back Ribs. Kaya kapag tatanungin na ako kung saan ko gustong kumain, ang sasabihin ko sa kanila ay kay ‘Mang Kenny’ (Kenny Rogers) upang makakaen ng aking paboritong putahe. Naging kagawian na namin ang pagkain doon dahil tunay na katakam-takam at walang katulad ang putaheng ito na may kasama ng kanin, muffin, side dish, at ang napakalasang Honey Bourbon Barbecue Sauce.
Kapag ako ay kakain ng ibang putahe, naiisip ko agad ang pagpipigil dahil sa aking dieta. Ngunit kapag ito na ang aking kakainin, nakakalimot na ako at tuluyan ng napapahataw sa pagkain. Madalas pang mangyari na masabi ko ang mga linyang, “extra rice pa!” dahil huling-huli nito ang aking panlasa at kaya kong sabihin na kapag ito ay inyong sinubukan, pati ang panlasa ninyo ay tiyak rin na mahuhuli.Sa sarap at lambot ba naman ng laman nito, haluan pa ng kawili-wiling lasa ng barbecue sauce ay sino ang hindi mawiwiwli dito?
Dahil karamihan ng mga pasyalang malls ay may Kenny Rogers, madaling mahanap at matikman ang napakasarap na putaheng ito. Sulit na sulit ang 315pesos na ibabayad dahil tiyak na ang kabusugan at tiyak na rin ang pagbibigay ng dalawang thumbs-up at abot-tengang ngiti. Kaya kung kayo ay may pagkakataon, wag ng palampasin at dali-dali ng tikman ang putaheng ito. Honey Bourbon Ribs--THE BEST TALAGA! J
No comments:
Post a Comment